سريزه: دسياسي نظامونو اوديموکراسي دمختلفو شکلو نو دفوايدوڅخه داسي ښکاري چي دديموکراسي دتحقيق اودديموکراتيک رژيم ټينګښت دننيو ټولنو دلويو غو ښتنو څخه دي اوديو ښکلي انسان خبره يي ځان ته غوره کړي ده .دديموکراسي اصطلاح دنني نړي يوله مقدسو اصطلاحاتو څخه حسابيږي اوپه رسنيو اومطبو عاتوکي په لوړه پيمانه استفاده ورڅخه کيږي .انسانانو دسياسي نظامونو په ډګرکي ډيري ترخي تجربي ترلاسه کړي دي په ځانګړي توګه له ديکتاتور ي رژيمونو څخه داوموندله چي ديموکراسي دحکومت کولو يوه ښه بيلګه ده اوپه دغه سيستم کي ديکتاتورو اوجابرو خلکو ته ډيره کمه زمينه مساعده کيږي چي قدرت ته ورسيږي .ځکه په دغه رژيم کي دچارواکوټاکل اودهيوادونو سياسي تګلاري جوړوي دهمدي هيواددخلکو په اختيارکي وي چي دخپلو نماينده ګانو په ذريعه اختيار استعمالوي ،نو په دي اساس انتخابات په خپل وارسره دديموکراسي دميکانيزم دپايښت لپاره يو ه اساسي وسيله ده چي له دغي لاري دخلکو نظريات دحکو مت دتشکيل اوتصميم په هکله انعکاس پيداکو ي اودزياتو علومو پاملرنه يي ځانته رااړولي دي .ځکه کله چي انتخابات نه وي نودديموکراسي کليمه هم خپل اهميت له لاسه ورکوي اوپه کرار کرار دذهنونواوجوامعو څخه وځي . دانتخاباتودبهيروالي اوسالم والي لپاره هڅي په عملي اوفکري دواړو ډګرونو کي ديوي اوږدي سابقي لرونکي دي اوپه دي لارکي لمړي هڅي دديموکراتيک رژيم په جوړښت اوددي نظام محبوبيت پيداکول په عملي اوسياسي ډګرونو کي پيل کيږي نوپه دي اساس دانتخاباتوپه هکله دديموکراسي مبحث دنورومختلفو مبحثونوسره مشابهت اوامتيازلري .اودابحث ددي سبب جوړيږي چي دديموکراسي دتحقيق لپاره لاري اوطريقي راپيداکړي ، ديته په کتو سره چي افغانستان دديموکراسي په هکله دومره نوي تجربي نلري  او اوس هم دجامعي دډيروقشرونو په منځ کي ديموکراسي کومه محبوبه کليمه نده  همدارنګه انتخابات هم يو نااشنا اوپردي خبري ښکاري . دانتخاباتو په هکله بحث چي ديو سالمي رهبري دټاکلو بهترينه وسيله ده اونن ورځ دافغانانو يو لوي حياتي اومهم مسوليت داده چي دديموکراسي لپاره کاروکړي ،بي له شکه ويلاي شو چي دراتلونکي افغانستان  سوله ، هوسائي ، امنيت اوپرمختګ ټول دديموکراسي پو ري تړلي دي .نوپه دي اساس دانتخاباتو په هکله بحث (  دديموکراسي دتحقيق لپاره يواځيني لار ه دي ) سره ددي چي ديموکراسي په نړي کي له يو حياتي ارزښت څخه خمزده په افغانستان کي يي ارزښت دوه چنده دي .