سریزه: پانګه اچونه ديوهيواد داقتصادي پرمختيا لپاره له اساسي عواملو څخه شميرل کيږي ، پرمختيايي هيوادونه چې دپانګې دقلت سره مخامخ دي تل په دي هڅه کي وي چې دخپل هيواد دانکشاف لپاره ضروري اندازه پانګه پيدا کړي ترڅو دعمومي اقتصادي ساست پر بنسټ ټاکل شوي پلانونه پر ي عملي کړي .افغانستان هم دتيرو لسيزو جګړو راوروسته دانکشافي پروګرامونو په عملي کولو کي دپانګې دقلت دستونزې سره مخامخ ده تر څو خپل موجود منابع په سمه تو ګه په کار واچوي .څرنګه چې دافغانستان اقتصاد په هر سکتور کي بياجوړوني ته اړتيا لري دولت له يوې خوا په زياتره زيربنايي  او ټولګټو پروژو کې پانګه اچونه کړي او له بلي خوا په هغه برخو کي چې دخصوصي پانګوني دجذب امکانات لري دازاد بازار داقتصادي نظم په چوکاټ کي او دپانګې اچونې دقوانينو مطابق داخلي او خارجي پانګوالو ته دپانګوني پراخه امکانات برابرکړي دي .چې په پايله کي په تيرو څو کلونو کي په سلهاوو ميلونه ډالره کورني او بهرني پانګونه هڅول شو ي او په افغانستان کي په کار اچول شوي . په لومړي برخه کي دپانګې او پانګې اچوني مفهوم اوډولونه ، په دوهمه برخه کي يي دپانګې اچوني تاريخي سير او اوسني بدلونونه او قوانين او په دريمه برخه يي په تيرو څوکلونو کي دپانګې اچوني په اړوند تازه ارقام اود ژوندانه په بيلابيلو برخو کي دتاثيراتو په اړوند دڅوکلونو پرتله ارزونې ته ځانګړي شوي.