سریزه : ټول ثناء او صفت هغه ذات لره دي چې انسان ئې پيداکړى او هغوئ ته يې د ژوند ټول اسباب برابر کړي دي درود اوسلام دي وي په رحمةاللعلمين دهغه په کورنۍ او د هغه په يارانو او پر هغه چا باندې چې پر ده ايمان لري . ژباړه : الله تعالىَ فرمائې :خورۍ د پاکو شيانو څخه چې مادرکړي دي .څرنګه چې دانسان ژوند پرته له خوړو امکان نلري نو انسانان هميشه کوشش کوي چې په يو نه يو ډول خپل خواړه لاسته راوړي او دتل لپاره کوشش کوى چې د هغو خوړو څخه استفاده وکړي چې پاک وي او د دوۍ صحت روغ او د کار جوګه وګرځۍ . څرنګه چې خواړه د ژوند اساسي ماده ده نو بعضي وختونه دغه خواړه د انسانانو د بې احتياطۍ له سببه د ځينو بکترياګانو او ويروسونو په وجه زهري ګرځي . او وروسته دهمدې زهري خوړو د خوړلو په وجه انسانان په مختلفو ويروسي او بکترياوې ناروغيو اخته کيږي. چې ډيري ناوړه اغيزي لري حتى د انسانانو د مړيني سبب ګرځي .