سریزه:ادب يوازې هغه پديده ده ، چې د ژوند له پيله تر اوسه پورې د يوې معنوي پديدې په څېر له ژوندانه سره مله ده . ادب د يوې واحدي عينې قضيې په توګه د خپل تکامل او بلوغ مرحلې ته اړ وي او د يو مفرد واحد نوم څخه د جمعې او ګڼې له قالبه مرکب راوتې . ادب د عينې شواهدو او تداعيو هغه رښتنې هنداره ده ،چې د نړۍ د مشاهدې بېلا بېل پاړکې لري ،په دې پاړکيو کې يوه داسې تابلو ،چې هغه ادب په عينې او غير تخيلي ( حقيقي ) توګه د خلکو ذهن ته په ګوته کوي   هغه د ادب تمثيل دى .کله چې ادب د تمثال ( ممثل ) د هنر بداعت ته ورولويږي په نوښتګره توګه د ادب په درې اړخيزو څيرو : ( کميډي  تراژيدي او سندريز ) په مفهوم ښه افاده کيداى شي . زما ددې  مونوګراف  موضوع ( د ډرامې پيدايښت او پرمختيا ) او په اساسي توګه د پښتو ډرامې پيدايښت پرمختګ او ډرامې ته ورپيښ تاريخي ، سياسي او فرهنګي جريانونه د دې ليکنې اصلي هدف دى . پښتو ډرامې ته په ميتولوژيکه او څيړنيزه توګه ځغلنده نظر زما ددې موضوع ستراتيژيکه نقطه ده چې د پښتنې ادب ډرامه د  پيدايښت ، دوې ، ډولونه او پښتو ډرامې عمده يعنې افسانوي ،فرهنګي ،سياسي ،اجتماعي او داسې نورو ته په تشريحي توګه مې د قلم پام ور واړوه . که څه هم دا کار د يوې علمي او پوهنيزې حوصلې او هوډ من فکر تر اوسه را يسار دى ، خو بيا هم ما تر خپلې وسې دا کار په ښه دقت او پاملرنې پر مخ بيولي . په اخره کې د ګران قدرمن او لار ښود استاذ پوهاندډاکټر  زيورالدين ((زيور )) څخه د زړه له کومې مننه کوم ،چې په دې هکله يې له ما څخه خپل علمي او اکاډوميکې لارښوونې نه دي سپمولې .له خداى (ج ) څخه ده ته ډير عمر غوښتونکى يم .