سریزه : څه دمخه دکائناتو دستر څښتن اوپالونکي ډير شکر اداکوم چې زه يې دفراغت تروخته راورسولم اوماته يې دخپلي هغه موضوع چې کومه راسپارل شوي وه دليکلو توان راکړه .څرنګه چې الله(جل جلاله) دځمکي په مخ ډول ډول ژوندي موجودات پيداکړي دي اوهري ډلي ته يې دژوند کولو ځانګړي شرائط برابر کړي دي .اوپه مختلفو طريقوسره يې پالي .دغه ژوندي موجودات هره ډله يې جلاجلا اوځانګړي خواص لري .دژونديو موجوداتو دډلي څخه يولوي ګروپ حشرات هم چې دژونديو موجوداتو نږدي ٣/٢ برخه جوړوي اوحشرات دارتروپودافايلم پوري اړه لر ي چې پدي ټولګي کې مختلف ډولونه دحشراتو شامل دي چې ځيني يې مضر اوځيني يې ګټور دي چې زماموضوع يواځي دګټوروحشراتو په اړه ده چې غواړم پدي هکله لنډمعلومات درنو لوستونکو ته وړاندي کړم . دګټورو حشراتو په ډله کې ډول ډول حشرات شامل دي چې ددي ډلي څخه يې ډير مشهور دشاتو مچۍ او وريښمو چينجي دي . چې نوموړي حشرات دانسانانو لپاره ډير اقتصادي اوحياتي ارزښت لري مثلاً شات چې دشاتو مچيو دمهمو ترکيباتو څخه دي دانسانانو اونورو حيواناتو لپاره يوبهترينه اوخوندوره غذاده همدارنګه ډير زيات طبي ارزښت هم لري اودډيرو ناروغيو لپاره درمل هم دي همدارنګه دشاتو مچيو څخه موم هم لاسته راځي چې په صنعت کې ډير ارزښت لري .ددي تر څنګ دوريښمو چينجيو څخه دوريښمو تارونه لاسته راځي چې په صنعت کې دټوکرانو اونوروشيانو په جوړولو کې تري کاراخيستل کيږي.