سریزه: لکه څرنګه چې مخکې مو يادونه وکړه چې زمونږ د ليکنې موضوع ستر نړيوال  کنفرانسونه دي نو له همدې کبله يواځې د مهمو او لويو کنفرانسونو څخه دلته يادونه کوو ځکه د افغانستان لپاره په نړيواله سطه زياتې غونډې او کنفرانسونه جوړشوي د بيلګې په توګه د يوکنفرانس څخه دلته يادونه کوو: ( د افغانستان دمرستو د څارنې او همغږيتوب لپاره مشترک کميسيون ) په نوم کنفرانس چې د آلمان پايتخت برلين کې يې ددوه ورځو لپاره دوام درلود، د ۱۳۸۵ ه ل کال د سلواغې په لسمه د شنبې په ورځ چې د ۲۰۰۷ م کال د جنوري د ۳۰ نېټې سره سمون خوري د آلمان د بهرنيو چارو وزير فرانک والتر شتاين ماير او د افغانستا ن د بهرنيو چارو وزير رنګين دادفر سپنتا په ويناوو سره د غرمې څخه وروسته پرانستل شو.او وروسته له هغه يې د بندو دروازو تر شا خپل کار ته  دوام ورکړ. شتاين ماير چې په دې کنفرانس کې د جلسې رياست د نړۍ د لويو صنعتي هېوادونو يا  G8  په استازيتوب په غاړه درلود په داسې حال کې چې په تېرو پنځو کلونو کې يې په افغانستان کې د اساسي بدلونونو څخه يا دونه وکړه ويې ويل : بايد له ياده ونه باسو چې طالبان په ا فغا نستان کې بيا قوي شوي په ځانګړي ډول د ا فغانستان په جنوب کې په يوې لويې امنيتي ستونزې بدل شوي . فرانک والتر شتاين ماير د اساسي قانون تصويب ، د ولسمشرۍ او پا رلماني ټول ټاکنو تر سره کول د تېرو کلونو د کاميابيو او لاسته راوړنو څخه وبللې. ليکن هغه يادونه وکړه چې د مخدره موادو کرل او توليد په ځانګړي ډول په تېرکال کې په افغانستان کې ډېرشوي چې دا پخپله دا فغانستان د خلکو او نړيوالې ټولنې لپاره يوه لويه ستونزه ده . هغه په دۍ لړ کې په افغانستان کې د اداري فساد څخه يادونه وکړه او ددې ناوړې ټولنيزې پديدې سره مبارزه يې يو ضروري کار وګاڼه . د آلمان د بهرنيوچارو وزير افغاني هيئت ته په خطاب کې وويل چې له افغاني دوستانو سره زمونږ ژمنه داده چې هغوي به يوازې نه پريږدو، خو په همدې ډول له هغوي څخه داتمه لرو چې کوم اصلاحاتي پروګرامونه چې شروع شوي په پوره هڅې سره تعقيب کړي .همدارنګه شتاين ماير وويل : چې د افغانستان له خلکوسره زمونږ د مرستې څخه هدف داده چې ددغه هېواد خلک په سوله او د قانون د حاکميت لاندې ژوند وکړي. رنګين دادفر سپنتا د افغانستان د بهرنيوچارو وزير چې د افغاني هئيت مشري يې کوله د خپلو خبروپه لړ کې ددواړوهېوادونو تر منځ د پخوانيو او ښو اړيکو څخه يادونه وکړه او آلمان يې د ا فغانستان په بيا جوړولوکې يود مهمو مرسته کوونکوڅخه وباله.سپنتا په افغانستان کې د ثبات په راوستلو او ددموکراسي په ټينګښت کې د آلمان رول وستايه.