مقدمه : کرنه Cultivation - دمادي توليد يوه  اساسي برخه ده چي د نړي د ډيروهيوادونوپه تيره بيادوروسته پاتي اوپرمختيائي هيوادونوپه ټولنيزمجموعي توليدکي فعاله ونډه لري .همدارنګه دنفت لرونکوهيوادونوڅخه پرته دنړي دټولوپرمختيائي هيوادونودبشري قوي زياته برخه دکرني په سکتورکي مصروف دي چي پدي توګه ددي هيوادونودصادراتواوملي عايد عمده برخه کرنيزمحصولات تشکيلوي .کرني دبشري تاريخ په اوږدوکي عمده رول لوبولي دي او دکرني اهميت په ټولنيزمجموعي توليدکي اوهم دټولني اوداقتصادي پرمختګ سره مخ په زياتيدوده .هغه  وخت  چي  صنعت اوداقتصاد نورو سکتورونو  ډير پرمختګ  نه  وکړي .نود بشرټول توليدي فعاليتونه يواځي دکرني پوري اړه لرله خودصنعت اوداقتصاددنوروسکتورونودانکشاف سره بياهم کرني خپل نقش فعاله ساتلي ځکه چي کرنه دانسانانولپاره غذائي توکي اوصنعت لپاره اومه مواديااومه توکي برابره وي.همدارنګه داقتصادي انکشاف په اوله مرحله کي کرنه دنوروسکتورنودانکشاف لپاره سرمايه اودځني صنعتي جنسونولپاره خر څلاولپاره مارکيټ برابره وي. چون کرنه دملي اقتصاد دسکتورونوڅخه يوعمده سکتوردي چي په اقتصادي پرمختګ کي رغنده رول لري.