مقدمه:  إِنَّ الْحَمْدُ لِلَّهِ نَحْمَدُهُ وَنَسْتَعِينُهُ ، مَنْ يَهْدِهِ اللَّهُ فَلاَ مُضِلَّ لَهُ، وَمَنْ يُضْلِلْ فَلاَ هَادِىَ لَهُ، وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ أَمَّا بَعْدُ. درنو لوستونکو زه خپل مونوګراف له ډیرو خت څخه وروسته په دا سې حال کې چمتو کوم چې د ژوند ډیرې سړې او تودې او ډیرې ستونزمنې پیښې مې له سترګو تیرې شوې دي. د څیړني په بهیر کې په پښتو ژبه کې د موادو له کمښت سره مخ وم، تر څنګ یې تکنالوژي سره نابلدتیا هم زما په ستونزو کې زیاتوالی راووست. له نورو ټولو ټولنیزو او اقتصادي ربړونو سره سره د لوی خدای فضل دی، اوس خپل مونوګراف د بني مصطلق د غزا تر سر لیک لاندې لیکم او په دې هکله مې هڅه کړې ده چې د مؤثقو کتابونو څخه مې ګټه اخیستې ده تر څو ټولو ته د منلو وړ شي، په ترڅ کې ځینې داسې پیښې مخ ته راغلې دي چې په هغې کې روایات مختلف دي، نو ما هر یو روایت لیکلي دی او دا قضاوت مې درنو لوستونکو ته پرې ایښی دی چې هغوئ ته کوم یو روایت صحیح بریښي او مؤثق یې ګڼې،  او یا کوم روایت کمزوری ګڼي، په دې مونوګراف کې مې هغه سرلیکونه چې لوی او عمومي دي د پاڼې په منځ کې لیکلي دي او هغه سرلیکونه چې واړه او د لویو سرلیکونو برخه او جزء دي د پاڼې په څنګ او ښي لوري کې مې لیکلي دي، او د الله پاک حمد او ثنا وایم چې دا توفیق یې راکړ چې نور کتابونه ولولم او د هغو څخه مهم او لنډي جملې او مفاهیم راواخلم او په خپل دغه مونوګراف کې یې ولیکم، په پای کې وایم چې الله پاک دې لومړی زموږ په ګران هیواد افغانستان کې او بیا په ټوله نړۍ کې یو عادل، خپواک، ځواکمن د امن څخه ډک او د شریعت په پښو ولاړ یو ښکلی اسلامي نظام  راولي چې ټول وګړي یې تر ساړه سیورې لاندې د سوکالۍ، آرامۍ، خپلواکۍ او خوشحالی خوږې شپې او ورځې تیرې کړي او نور ځوځات  او نسلونه یې هم په پلونو باندې پلونه کیږدي او تر قیامته پورې د الله د دین او اسلامي شریعت جنډه لوړه او جګه وساتي.