سریزه: داسلام  مبارک دين دانسانی فطرت د فطری مقتضياتو سره يو برابر دين دی کوم چی دانسانـــي ژوندهراړخيز سمون اونظم يی موخه اوهدف دی او دهمدی هدف د ترلاسه کولو لپاره دغه کامل شـــــامل او مبارک دين لوی خدای (ج ) دبـــنده ګانو د کاميابي  او سر لوړي دپاره دي دنيا  ته راليږلي دي او  ورسره  يي ددغه  نسخي د تطبيق لپاره تقريبايولک اوڅلورويشت زره پيغمبران راليږلې دي ترڅوپه بيلا بيلو وختونوکښي درنځورانسانيــــت دبــيلابيلو رنځونودرملنه وکړي کومي چي  ور ته  په فردي او اجتماعي ژوندانه کی ور پيښي دي. داسلام  مبارک  دين  فرق  د نورو اسماني اديانوسره په همدي کي دي چه نوموړي دين خپل پيروان په هيڅ ډګرکي يوازي نه دي پراايښي بلکي په بيلابيلو ساحو کي ورسره اوږه په اوږه روان او لارښووني يي ورته کړيدي.دانفرادي ژوندانه  څخه نيولي بيا  دټولنيز  ژوند  په  ټولو  ساحوکي لکه   سياست،اقتصاد،ټولنيزروابط معاملات بين المللي  روابط  او نورو ټولو ساحوکي  بي حسابه  لارښووني کړي  دي  ترڅو خپل پيروان دگمراهي په کندي کي دپريوتوڅخه وژغوري اوپه صحيح ډول يي رهبري کړي دحجـة الوداع په موقع ددي مبارک ايات نزول دهمدي خبري ثبوت دي په کوم کي چه الله فرمايي اليوم اکملت لکم دينکم ... ترجمه : - نن  ورځ مي تاسي دپاره ستاسي دين کامل کړ،اوخپل نعمتونه مي پرتاسي تمام کړ، او دستاسو دپاره مي داسلام دين غوره کړ. ددي دليل څخه وروسـته چه کوم څوک دا فکر کوي چه په اسـلام کي سياست نشته يا اقتصادياداياهغه نودوي په حقيقت کي هغه خلک دي  چه ذهنونه يي د غير اسلامي نظريو او تبليغاتو څخه مسموم شوي دي او د حقيقت درک ورته مشکل دي او ددوي مثال دهغه ښاپيرکانو دي چه دلمر څخه په تيارو سوړو کي پټيږي او بيا وايي چه لمر نشته . دپورته اصل  په رڼا کي دټولني دنظــم او نسق دساتلو او په ټـــولـنه کي دمفاسـدو فحشاء ، خيانت  ، بداخلاقيو اوغداريو دمخنيوي  دپاره الله پاک يوسلسله قواعداو مقررات نازل کړي دي ترڅو ديوي خواټولنه ددي مفاسدوڅخه په امن کي وي اود بلي خوا څخه د نوموړو اعمالومرتکب کوم چه مجرم انسان دي تربيه او اصلاح شي تر څو په آينده کي په ټولنه کي خپل سالم ژوند ته دوام ورکړي.