سریزه: ستراتيژي د منابعو څخه په موثرې ګټې اخيستنې او د سرمايې د پرمختګ څخه  د لازمې ګټې اخيستنې لاره ښايي. په نني  عصر کې چې د تکنالوجۍ د عصر په نوم ياديږي هغه ادارې چې پراخې او غوره ستراتيژي نه لري نشي کولاى چې د خپلو سيالانو سره سيالي وکړي او ددې تر څنګ نشي کولاى چې خپلو سيالانو سره رقابت وکړي بر سيره پر دې د نوموړو ادارو دوام او ثبات هميشه د ګواښونو سره مخ وي. ځکه نشي کولاى ځان د چاپيريالي او سيميزه شرايطو  سره برابر کړي. مديران بايد خپلې ادارې د نامعلومې راتلونکي په لور رهنمايي کړي چې ددې  رهنمايۍ له مخې ددې ادارې برياليتوب ددوى د شاو خوا چاپيريال د درک پوې اړه لري. ايا کله مو داسې فکر کړى دى چې ولې ځينې لوى او بريالى  شرکتونه په ډير لږ وخت کې د بازار د  سترې ونډې د لاسه ورکولو سره د عادي حالت څخه رالويږي؟ او هم ځينې کوچني شرکتونه په ډير لږ وخت کې د نړۍ والې  سيالۍ موفقيت تر لاسه کوي؟.  همدارنګه ځينې موسسې په اسانۍ سره د مخامخ کيدونکو سياسي، اقتصادي او ټولنيزو مشکلاتوباندې  بر لاسى مومي. او بر عکس ځيني موسسي د ماتې خوړولو د سخت بهير خوند څکي او د دوام څخه پاتې کيږي، چې دد پاتې کيدو او همدارنګه د ځينو ادارو  په لږ  وخت کې پرمختګ د موفقې ستراتيژۍ جوړولو  پورې او نه جوړولو  پورې اړه لري. يعنې هغه ادارې چې موثرې ستراتيژۍ د خپلو موخو لپاره نه لري نشي کولاى پر مختګ وکړي او دخپلو سيالانو رقابت وکړي. بر عکس هغه ادارې چې اغيزمنې ستراتيژۍ لري کولاى شي په لنډ وخت کې د خپلو سيالانو په قطار کې ځان راولي.