مقدمه: په دنیا کې د سرکونو حفظ او مراقبت اصلی هدف عبارت دی د سرک  ساتل د ترافیکو پر مخ باندی  وروسته له دی چې سرک جوړ  سی او یا انکشاف ورکړل سی ، دحفظ او مراقبت  کارونه باید توسعه پیداکړی  تر څو سرک په خپل اصلی حالت پاته سی . ټول سرکونه  د ترافیکو دعبور او مرور  او د جوی تاثیراتو په نسبت حفظ او مراقبت ته ضرورت لری  . د لوړ کیفیت سرکونو او ساختمانونو حفظ او مراقبت اسانه دی  او مطلوب خدمتونه دسرک د ساختمانونو د هغه د عمر سره سم  صورت نیسی . دحفظ او مراقبت په نه موجودیت کی ،دسرک تخریب  په مراتبو سره ډیریږی ،پدی صورت کی  ډیری پانګی ته ضرورت پیښیږی تر څو دساختمان تجدید صورت ونیسی . حفظ او مراقبت یو تعداد خارجی فکتورنو سره  لکه دترافیکو تعداد،ارضی عوارض،دخاورو نوعیت،تخنیکی ډیزاین چی دسرک  په ساختمان کی منځ ته راځی ارتباط لری . د دی پارامترونوپه نظر کی نیولوسره  ممکنه ده چی نوښت وکړو او دحفظ او مراقبت  د ستونزو حل لار پیداکړو.په هغه صورت کې چی یوه لویه ساحه  او ډیره فاصله  موجوده وی موږ د یو لوی چلینج سره مخامخ  کېږو ،برعکس  دتخنیکی ډیزاین او حفظ او مراقبت  په نه موجودیت کې تخریبات ډیر یږی .  د حفظ او مراقبت  او ترمیم کاری تر منځ وخت  ډیر مهم دی  معمولا حفظ او مراقبت په وخت پوری ارتباط لری . ډیره به مهمه وی چی د ډیر تخریب څخه مخکی حفظ او مراقبت  تر سره سی  چې دا کار د ساحی  په نظارت او منوټورینګ پوری مربوط دی  تر څو چې سرک خپل په حالت پاته وی ،د حفظ او مراقبت پلان باید اماده موجود وی  همدا رنګه دسرکسازی اداره هم مسؤلیت لری  تر څو دضرورت په  وخت کې اجراأ ت وکړی او مخکی له دی چی سرک د ترفیکو پرمخ قطع سی  سرک ترمیم کړی  همیشه  په منظم ډول حفظ او مراقبت او د لازمی بودیجی  تامین  مخکی له مخکی  دترمیم څخه ضرور دی  . ډیر زیات به موثر وی چی  مؤسسه مخکی دسرک له ډیر تخریب څخه  اقدام وکړی او دمؤسسی یا اداری مسؤلیت دی  چی دیو تعداد پرسونل ، نقدی منابع   او منظم منجمنټ  سره دحفظ او مراقبت کار پای ته ورسوی . په افغانستان کې وروسته د څو کلونو وقفی څخه  دسرک ساختمانونه  د۱۳۸۰ څخه د نړیوالی ټولنی په مرسته  د سرک جوړونی  کارونه دټولګټو وزارت ،کلو او پراختیا وزارت په وسیله  شرکتونو ته مهیا سول  تر اوسه د ۱۰۰۰۰ کیلو متره  سرکونه  او اضافه له څو زره کیلومتر مصنوعی ساختمانونه جوړ سویدی  چی کلی یی له کلو او کلی یی له  ولسوالیو ،صحی مرکزونو او مارکيټونو سره وصل کړیدی چی فعلآ  اکثره سرکونه  حفظ او مراقبت ته ضرورت لری  ددی لپاره چی  دحفظ او مراقبت کارونه په اساسی  ډول  سرته  ورسیږی  باید چی  یو تخنیکی لارښود  چی د ټولو ستونزو  حل لار   پکی موجوده وی  ولرو.