سریزه : دا چی الله سبحانه وتعالی ټول انسانان د خپل عبادت لپاره پيداکړي اوهغوی په ټولوکایناتوکې اشرف المخلوقا ت ګرځولی دی چې په عقل او درک سر ه د یو الله جل جلاله ثناء اوستاینه وکړي او د همدې موخې لپاره یی وخت په وخت د هغوی دلارښوونې لپاره خپل استازي هم راليږلي چې نوموړواستازو د ځان سره د متعال الله جل جلاله يو نظام راوړی چې د انسانانو د ژوند چارې پرې منظمې پرمخ ولاړی شي چې آخرنی نظام يې  وروستي امت ته د حضرت محمد (ص ) په و سيله راليږل شوی دی ، هغه د اسلام سپڅلی نظام دی چې دا مبارک نظام د ژوند ټولو برخوته شامل اوهراړخيزه جنبه لري دا ځکه چې د دې نظام  سرچينه او منبع الهی ‌‌‌‌‌‌‌ذات او متعال الله جل جلاله د ټولوخالق، مالک، رازق ،او تشريعی ‌‌‌‌‌‌‌‌‌‌ذات دی نو طبعی ده کوم نظام یې چې خپلومخلوقاتو ته راليږلی دی هغه د  انسان ټولوغوښتنو ته ځواب ويلی شي، داسي يو نظام چې اعلی حاکميت پکې د ا لهی ذات پورې اړوند او د هغه د قوانيو اواحکامو مطابق چې هيڅ د تغير او تبديل امکان پکې نه ترسترګو کيږی چی ثا بت او تل پاتی قواعد لري د انساني ژوند چاري پرمخ يوسي د عدالت ټينګښت پکې د خاص اهميت په لرلو سره د دی نظام ښکلا نوره هم پسې ځلانده کوی او د شوری او اطاعت د اصل په اساس یی د دې نظام لپاره د کوم عيب د لرلو هيڅ مجال نه دی پريښی ولی د انسانانو په لاس جوړشوي نظامونه تل د تغيراو تبديل په حال کې د ظلم اوبربريت ،بې عدالتی، جهل ،تعصب ،اوطبقاتی نظام په کلکو ستنوولاړ او د ملتونو د ځورونې اوکړونې په  اساس یی نړيو ال وحشت رامنځ ته کړی دی د داسې نظامونو يوه ښه بيلګه ديموکراتيک نظامونه دی يا هغه هيوادونه چې د ديموکراسی د پلی کولولپاره یی تل هڅی او زيارونه  ګاللي ، دا ځکه چې ملتونه او ولسونه تل هڅه کوی چې په ارامۍ سوکالۍ او په کامل آزادی او استقلال سره يو د بل په شتون کې د حقوقواو  وجايبو په پوره احترام اونظرکې نيولو سره ژوند وکړي د ديموکراسۍ اصطلاح چې ظاهرً يوڅه خوږه ښکاري ولې ترشایې داسی يو ښامار پنجې ښخې کړي دي چې د انسانانو ويني د اوبو په څيرله ستونی تيروي زمونږ په ګران  هيواد کې هم نن ورځ د ديموکراسۍ ‌ډيرې ګرمې نارې وهل کيږي او د ديموکراسۍ د ټينګښت لپاره په تمامه معنی سره کلکې  هڅه راوني دي ولې د افغانستان غيوراو مجاهد ولس پدې ايمان اوعقيده لري چې د انسانانود ټولو ټولينزو ناروغيو يواځنی حل په الهی نظام کې رامنځ ته کيدلی شي، ديموکراسي چې د اکثريت حکومت په نامه شهرت لري د ولس د چارو واګې د داسی اشخاصو لا س ته ورځي چې هغوی د قيادت په صفاتوکې هيڅ ملبس نه وي بلکې د زيات قدرت پرسرمالي نفوذ له وجې د پيسوپه بدل کې د رايو اخستل اوطبقاتي نظام ته لمن وهل چې شتمن په قدرت کې پاتي شي اوبې وزله د هغوی د خدمت لپاره خپل ژوند نذرانه کړي چې همدې دليل په اساس په اسلام کې د ديموکراسی پليتی کلمې لپاره هيڅ ځای نشته بلکی اسلام خپله يو کامل اوشامل نظام دی چې ټينګښت یی د بشر د خيرفلاح او بهبود لپاره يوه اړينه و سيله او د متعال الله جل جلاله د رضاء حصول لپاره د کاميابی يوه لاره د بري ده چې د همدې موخی له وجی د ډيرسوچ اوفکر څخه وروسته پدې محدودو او مهموحالاتو اوشرآيطو کې چې د ديموکراسۍ‎ بازار په خورا کلکه تله تود دی خپله د لسانس د دورې د مونوګراف موضوع (د شرعی دلايلو په اساس د ديموکراسی ترديد) ترعنوان لاندی ترتيب اوتهيه کړم ترڅوزمونږ مسلمان او مجاهد اولس د دی کلمی هغه واقعی انځور ورترسترګو کړم اوهغوی په هيواد کی د واقعی سپڅلي اسلامي نظام کی د ټينګښت لپاره ملا وتړي او هيواد د تاريخ پدی حساس پړاوکې د هلاکت او تباهۍ څخه وژغوری او يوه هوسا ارامه متحده اسلامی ټولنه رامينځ ته کړی.