سریزه: نحمده ونصلى على رسوله الکريم امابعد! فااعوذباالله من الشيطان الرجيم بسم الله الرحمن الرحيم . قل هل يستوى الذين يعلمون والذين لايعلمون .( ط ) ( الايه ) سورۀ الزمر ترجمه : ايابرابردي هغه کسان چې علم لري له هغوکسانوسره چې علم نه لري .همدارنګه پيغمبر(ص)فرمايلي دي  ( من خرج في طلب العلم فهوفي سبيل الله حتي يرجع  ).الحديث (ترمذي ودارمي) ترجمه:څوک چې دعلم دلاسته راوړلوپه غرض له کوره ووځي تر بېرته راګرځېدلوپورې  دپاک خداى(ج)په لاره کې دى (تله اوراتله يې ټول په ښېګڼوکې شمېرل کيږي .هر زده کړيال د تحصيل دڅلورکلنې دورې په پاى  کي اړ دى چې په خپله اړونده تخصصي څانگه کې يوه څېړنيزه رساله دخپل مونوګراف په نوم  وليکي . خوشحاله يم چې زما د لېسانس د دورې پايليک يوداسې چاته ځانګړى شوى دى چې دخپل اسلامي اوملي احساس له مخې يې  دخپلې ژبې چوپړ ته مټې رانغښتې دي او دخپل فرهنگ په بډاينه کې تل هڅه کوي او زيار باسي ، دغه په خپلې ژبې او ادب مين ځوان حاجي عبدالله ( صادق دى .که څه هم ښاغلي حاجي عبدالله صادق ډېرى خلک پيژني خو تراوسه يې پر ژوند او ادبي هڅوباندې چا ځانګړې ليکنه نه ده کړې ، زما په اند زما دغه ليکنه دده ژوند او شاعرۍ په اړه لومړۍ ليکنه ده . خداى ( ج ) دې وکړي چې گران لوستونکي ورڅخه څه ناڅه گټه پورته کړي په نوموړى پايليک ( مونوگراف ) کې لاندې موضوعات راغلي دي : دعبدالله (صادق ) لنډه پېژندنه ،کوچنيواله، زده کړې ، دندې ، ادبي اړخ  ، دندې ، دنثراونظم بېلګې ، چاپ شوي اثار اوپه پاى کې د پايلې سربيره ماخذونه  راوړل شوي دي . که څه هم ددې مونوگراف  د ليکلو پرمهال ډېره هڅه شوې چې يوکره او پوره ليکنه وکړم ، خوداچې دازمالومړى څېړنيزه ليکنه ده نوهرومرو به له نيمګړتياوڅخه خالي نه وي،ځکه له ګرانولوستونکوڅخه هيله کوم که دلوستوپرمهال له نيمګړتياوسره مخامخ شي نوماته دې بخښنه وکړى .