سریزه : د Lipos یوناني کلیمي څخه اخیستل شوي چي معنا یی شحم دې او دا کلیمه ورته د R.Bloor ) W. (لخوا استعمال شوي چي د IUPAC لخوا هم تائېد شوې دې. لیپیدونه یو گروپ غیر متجانس مرکبات دي او د شحمي تیزابو پورې مربوط دي. د ژوندیو موجوداتو په واسطه په مصرف رسیږې. د انرژی ښه منبع او یوه ښه غذا ده. په شحمو کې منحل ویـټامینونه او ضروری شحمي تیزابونه کوم چی په شحمو کې موجود وی وجود ته داخلیږی. شحمي مواد په خاصه توگه په شحمي انساجو کې زیات دی. د شحمو ترکېب له پروتین سره د لیپو پروتین (Lipoprotein) په نوم یادیږې.  (Lipoprotein د فعال حجروي موادو څخه عبارت دې چی په حجروی غشا ،سایتوپلازم او مایتوکاندریا کې موندل کېږي. شحميات د شکرو په شان د کاربن هایدروجن او اکسیجن څخه ترکېب شویدي. د پروتین او شکرو څخه زیاته انرژی لري.  چی یو گرام انرژی مساوی ده د (9,3) کالوری سره. دا ځکه چی په شحمياتو کې د شکرو په نسبت زیات هایدروجن او لږ اکسیجن موجود دی.