سریزه: په پښتو ژبه خبري کول اسانه دي ، خو لیکل یې یو څه ستونزمن دي . دا ځکه چي په پښتو کي څو ډوله (یې ګاني) شتون لري چي د هغوی بې ځايه کارول دلیکني مطلب اړوي . نه یواځي په لوستلو کي ستونزي را منځ ته کوي بلکه د مطلب مانا هم اړوي . ددې لپاره چي په لوستلو کي ستونزي را منځ ته نه شي او د مطلب مانا د لیکونکي د ذهن سره برابر ولوستل شي ، ډیره زیاته اړینه ده چي هره (ی) پر خپل ځای و کارول شي ،چي په دې ترتیب به د مضمون ارزښت لا زیات لوړ شي . د هغو کسانو یوه له اصلي ستونزو، چي د کومي لیکني یا علمي اثر په لیکولو لاس پوري کوي، همدا د څنګه لیکلو مسئله ده. دغه ستونزه په اصل کي د هغو ټولو کسانو ويره ده، چي غواړي قلم ته لاس کړي او د راپور، مقالي، رسالي، کتاب او... په چوکاټ کي لیکنه وکړي؛ که څه هم تر دي دمه د څه لیکلو په اړه نسبتا زیات مطالب لیکل شوي او په هره لیکنه کي یاده مسئله د ځانګړي لیدلوري له مخي څيړل شوي ده، خو له دي امله، چي هري پدیدي ته ښايي له مختلفو اړخونو او لیدلوریو وکتل شي. په دي لیکنه کي هڅه شوي د لیکلو لاري چاري د مینه والو له پاره په راونه او ساده ژبه بیان شي، څو لوستونکي وکولای شي هغه مسایل، چي په ذهن کي یي لري، له هرراز ويري او انديښني پرته د کاغذ پرمخ راوړي.