مقدمه : محمود طرزي له امان الله خان سره په اصلاحاتو کې نه ستړې کیدونکې هڅې کړي. هغه غوښتل چې افغانستان د نورې نړۍ په څیر چټک پرمختګ وکړي دا چې د امان الله خان سقوط څرنګه وشو تر ډیره د محمود طرزي هغه فکر چې وطن او هیواد مو باید له حده زیات سریع چټک وکړي نو له همدې امله یې ځیني غبرګونونه هم راوپارول. محمود طرزي د افغاني نشنلېزم او پان اسلامېزم په برخه کې یو داسې رول ولوباوه، چې په دې وروستۍ یوې پېړۍ کې نه دا چې بل افغان حکومت  بلکې ان هېڅ یو مسلمان هېواد هم نه دی لوبولی، په تېره بیا د پان اسلامیزم د عملي کولو او یا په ملاتړ هغو حکومتونو هم د یادونې رول ونشو لوبولای، چې ایډيالوژي يې پر همدغه اساس یعنې پان اسلامیزم ايښودل شوې وه په مصر کې د اخوان المسلمون لنډمهالی حکومت، په ترکیه کې د عدالت او پرمختیا گوند حکومت او نور. محمود طرزي دخپل هېواد د آزادۍ په اړه د ځوانانو د ذهنيت په روښانولو کې لوړ استعداد درلود اوپه دې اړه يې ښې مقالې ليکلې  آن تر دې چې د ځوانانو په ډله کې يې سردار امان الله خان په داسې پياوړې روحيه وروزه  چې د خپل پلار امير حبيب الله خان له مرګ وروسته د افغانستان پاچا او  د هېواد آزادي يې له انګليسا نو څخه په لاس را وړه.   محمود طرزي یوه پېړۍ وړاندې د اوسني پېر د مسلمانانو د ځلانده ستورو رجب طیب اردوگان او مهاتیر محمد په څېر د مدرنېزم او ویسټرنایزیشن یا مغربیت ترمنځ پر روښانه توپير قایل و. دی د مدرنېزم غوښتونکی او د ویسټرنایزیشن غندونکی و. همدا لامل دی، چې د سراج الاخبار په ورځپاڼې کې یې تل د پرمختیايي پروژو پر ملاتړ لیکنې کولې.