سریزه: ننۍ نړي دساينس او ټکنالوژي په خارق العاده پړاو کي ورځ تر بلې دترقۍ او پر مختګ په لور پراخه ګامونه اخلي او په خورا زياته چټګۍ سره پرمخ روانه ده چي په ورځني ژوند کي مو دسترو بدلونو او بي ساري تحولاتو يومثبت انځور  راترسترګو کوي نو ځکه خو هم هيڅ ملت دخپل هيواد په محدوده کي محدود پاتي کيداي نشي. اوس مهال نړۍ ديو کور حيثيت غوره کړي دي  او د انسانانو ترمنځ اړيکي او مناسبات ورځ نه تر بلي په پراخه توګه مخ په زياتيدو دي له بلي خوا دطبعي جوړښت له مخي هم دټولو ګټې يو دبل په شتون کي دي د همدغي لارو انسانانو دجهل او ناپوهي دروازي بنديږي او دتمندنونو په دروازو ورننوتل  او  ديو ارام  او پُرسکونه ژوند لپاره لاري پيداکړي. داسلام مقدس دين او انساني فطرت دا تقضا کوي چي ولسونه بايد په امن  او سوکالي او داخوت  او ورور ولي نه په ډکه فضا کي ژوند وکړي يو بل ته مينه ورکړي او دنفرتونو سره  دتل مدام لپاره مخه ښه وکړي دخپل او دنورو ژوند دهوسايني لپاره ترحده هلي ځلي وکړي او دبشريت سترو پوړيو ته ځان ورسوي ترڅو  د دارينو سعادت او نيکبختي لاس ته راوړي. او دغو پوړيو ته د رسيدو لپاره لازمه ده چي انسان هڅاند اوسي نو ځکه خو دومره لويي موخي ته د رسيدو لپاره هيڅوک هم په نه بايد په يو محدوده جغرافيوي ساحه کي پاتي شي لازمه ده چي ګشت او ګذر وکړي ترڅو دمختلفو حالاتو څخه  ځان خبر کړي او دنړۍ له ګوټ ګوټ څخه ځان خبر کړي ويي ګوري او لاسته راوړنه ترينه وکړي . دغه  موضوع (نړيوالتوب) مي په دريو فصلو نو ويشلاي دي چي لومړي فصل يي څلور بحثونه لري چي دنړيوالتوب مانا او مفهوم،تاريخي سير،عوامل يي او دنړيوالتوب ماهيت پکي واضح شوي دي.دوهم فصل يي هم په څلورو عمده بحثونو ويشل شوي دي چي پکي دنړيوالتوب ډولونه واضح شوي دي همدارنګه دريم فصل يي په پنځو بحثونو مشتمل دي چي دنړيوالتوب دچټک پرمختګ فکتورونه، مذهب او نړيول سياست، اسلامي او غير اسلامي نړيوالتوب، اسلام اونيشنليزم،ا و په پاي کي نړيوال کلي او بنسټيز اصول پکي واضح شوي دي.