مقدمه : په نړۍ کې خداى بې شمېره نباتات پېداکړي،چې انسانان او حيوانات ترې ګټه واخلي نباتات د انسانانو بې شمېره ستونزوته دحل ځواب وايې انسانان يې په ډېرو ځايونو لکه:دسوزولو لپاره،دخوړلو،دابادۍ جوړولو لپاره پکاروي. داچې نباتات موږ ته ډېرې ګټې رسوي نو بايدچې دهغې حفاظت،ساتنه او پالنه وکړو،او پرې نه ږدو چې ځينې عوامل نباتاتو ته تاوان ورسوي. مادهمدغه عواملو په هکله چې نباتاتو ته تاوان ياګټه رسوي يوڅه معلومات راټول کړي دي چې لوستونکي ترې استفاده وکړي.چې په دې کې ماپه مختلفوعواملو باندې،لکه:عناصر،حشرات،مايکرو ارګانيزمونه،هرزه بوټي،اوځينې فزيکي عوامل لکه:اوبه،اقليم ، خاوره،اونورو يوڅه رڼا اچولې ده،ترڅو موږ د دغه عواملو سره اشنايې  پيداکړو او دنباتاتولپاره يې داسې وکاروو چې نبات ته زيان ونه رسوي.     عموماً په نباتاتوکې خارجي عوامل هم مثبتې اغېزې لري اوهم منفي اغېزې لري.يعنې زياتره عوامل په يوخاص حد او اندازه کې دنباتاتودګټې سبب ګرځي.خوکه چېرې دهغې اندازې څخه زيات اوياکم شي نوبيا نباتاتو ته ډول ډول زيانونه رسوي.