سریزه : داچي پرمختيايي هيوادونه په رښتيني ډول وروسته پاتي دي چي د يوي چټکي اقتصادي ودي تمه کوي چي البته دغه مسئله دهغه هيوادونو په هکله صدق کوي چي د اقتصاد له نظره تړلي شکل ولري ددغي هيوادونو هلي ځلي دهغه هدفونو په بنسټ د يوټاکل شوي اقتصادي سياست د ثابتيدو سبب ګرځي د وروسته پاتي کيدو مسئلي پاي ته رسول دي . دغه هدفونه مونږ په مختلفو پړاونو کي لاسته راوړلاي شو ځکه مهيمه موضوع داده چي دغه هدفونه وڅيړل شي د همدغه هدفونو بدلون او تحول دي چي دهغه په واسطه وسايل پثبيت کړو . دايوڅرګند حقيقت دي وروستني هدف په ټولنه کي دداسي اقتصاد تامين کول دي چي د ټولني د وګړو د ژوند سطحه ښه کړي او د وګړو د زياتو ضرورياتو د پوره کولو لپاره وسايل برابر شي اوددي لپاره چي د يو هيواد تړل شوي شکل پاي ته ورسيږي ازاد شکل غوره کړي نو لازمه ده چي د هيواد په اقتصادي چارو کي ددولت پوره مداخله وکړي ځکه چي ددولت مداخله کولاي شي چي بنديزونه پاي ته ورسوي او د پرمختيايي هيوادونو د تجارت ماهيت دارنګه بريښي چي نه شي کولاي د هغو د خلاصون سبب وګرځي ځکه دهغو صادراتي مالونو او محصولاتو دغه امکانات محدود کړي که څه دي هيوادونو ترمنځ ځانګړي اړيکي د سوداګري په واسطه مينځ ته راځي ددي لپاره چي خارجي تجارت د ملي اقتصاد سبب شي بايد خارجي تجارت حمايه شي . زياترو پرمختيايي هيوادونو کي خارجي تجارت د بي ګانه سوداګرانو په لاس کي دي د همدغه وجهي نه زياتره ګټي يي دغه لاري څخه لاس ته راځي بيرته د عايد په شکل خارج ته انتقاليږي . زياتره پرمختيايي هيوادونو چي زمونږ ګران هيواد افغانستان هم په دي ډله کي شامل دي د زاړه موټرو او نورو استهلاکي شيانو بازار دي . او د استهلاکي موادو واردول پرته له دي څخه چي ملي صنايع د ماتي سره مخامخ شي بله کومه ګټه نه لري مګر اوسني د افغانستان اسلامي جمهوريت دا غوره بولي چي خپلي داخلي صنايع پياوړي کړي . د بلي  خوا نه چي تجارت دداسي پانګوالو په لاس ولويږي چي هيڅ ملي حس نه لري ځکه په حقيقيت کي د ټولني دغه قشر ګټي په يوه پراخه ساحه کي د هغه د هيواد اقتصادي پيوند شميرل کيږي ځکه همدغه پيوندونه او اړيکي دي چي پرمختيايي هيوادونه صنعتي جوړ شو و مالونو ته مجبور کړي دي او همدغه محصولات او مالونو له درکه دي چي دداخلي سوداګرانو ګټي تامينيږي د همدغه وجه نه دا هيله موجوده ده چي ددغه مالونو واردات به زيات وساتل شي البته دغه ډله نه غواړي په هغه رول اقتصادي برياليتوب کي برخه واخلي او دغو سوداګرو تجارتي ګټه د اقتصادي پرمختګ په برخه کي د پانګي اچولو لپاره پکار نه وړلکيږي او کچيري دغه تجارتي ګټي د دولت په لاس کي ولويږي کيداي شي ملي اقتصاد د پرمختګ د وسيلي په توګه په کار واچول شي پس لازمه ده چي  چټکي اقتصادي ودي په لمړيو پړاوو کي دولت په دغو ساحو کي پراخوالي پيداکړي . همدارنګه د باندني تجارت د کنترول او لارښوني په وسيله دا امکانات برابريږي چي صادرات تقويه شي او زيات اسعار لاس ته راوړل شي او ددپه څنګ کي د تجمولي شيانو واردات کم شي دغه کار په ترسره کولو سره پرته د شک څخه د توليداتو د زياتوالي او د اقتصادي ودي د چټکتيا باعث ګرځي .په اخير کي د خپل لارښود استاد محترم سيد داود (صميم) څخه يوه نړي مننه کوم چي ما سره يي د موادو په ترتيب او راغونډولو کي پوره زيار ويستلي د الله تعالي څخه ورته د اجرعظيم غوښتونکي يم .